აჭარის ფინანსთა და ეკონომიკის მინისტრმა პოლონეთის დელეგაციას უმასპინძლა. დავით ბალაძემ, პოლონურ მხარესთან ერთად, აჭარასა და მოლოპოლსკას რეგიონებს შორის არსებული თანამშრომლობის ფარგლებში, მეწარმეობისა და შრომის ბაზრის მხარდაჭერის პროექტი განიხილა.
შეხვედრა სამინისტროს, დასაქმების სააგენტოსა და აჭარის ჯანდაცვის სამინისტროს წარმომადგენლებთან ერთად სამუშაო რეჟიმში, პრეზენტაციის ფორმატით გაგრძელდა. პოლონეთის დელეგაციის წარმომადგენლებმა დაინტერესებულ მხარეებს პროექტის დეტალები გააცნეს.
პროექტის მიხევდით აჭარაში დასაქმების ბაზრისა და ეკონომიკური პროგნოზირების ობსერვატორია შეიქმნება.პროექტი მნიშვნელოვან წვლილს შეიტანს რეგიონის ეკონომიკურ განვითარებასა და ცხოვრების სტანდარტების ზრდაში.
პოლონეთის რესპუბლიკის საგარეო საქმეთა სამინისტროს მიერ ორგანიზბეული „Polish Aid 2014" -ის კონკურსში გამარჯვების შედეგად მოპოვებული გრანტის საფუძველზე, აჭარასა და მალოპოლსკას რეგიონებს შორის თანამშრომლობის ხელშეკრულება გაფორმდა. აჭარაში დასაქმების ბაზრისა და ეკონომიკური პროგნოზირების ობსერვატორიის შექმნის პროექტი სწორედ აღნიშნული ხელშეკრულების ფარგლებში მიმდინარეობს.
მასალის გამოყენების პირობები
