მთავრობამ, ურეკის წყალმომარაგების და წყალარინების სისტემების მშენებლობის პროექტისთვის მომზადებული მიწის შესყიდვისა და განსახლების გეგმა დაამტკიცა. როგორც მთავრობის №526 განკარგულებაშია აღნიშნული, აზიის განვითარების ბანკის მიერ დაფინანსებული ურბანული მომსახურების გაუმჯობესების საინვესტიციო პროგრამის ფარგლებში, მოწონებულ იქნეს ურეკის წყალმომარაგების და წყალარინების სისტემების მშენებლობის პროექტისთვის მომზადებული მიწის შესყიდვისა და განსახლების გეგმა.
განკარგულებაში ასევე აღნიშნულია, რომ შპს „საქართველოს გაერთიანებული წყალმომარაგების კომპანიამ" თანხების ანაზღაურება რეგიონული განვითარებისა და ინფრასტრუქტურის სამინისტროს „წყალმომარაგების ინფრასტრუქტურის აღდგენა-რეაბილიტაციის" პროგრამიდან უნდა მოახდინოს.
მასალის გამოყენების პირობები
