2013 წელს აჭარაში 194651.8 ათასი ლარის ღირებულების 183398.0 ტონა სხვადასხვა დასახელების აგროსასურსათო პროდუქტის იმპორტი განხორციელდა. აჭარის სოფლის მეურნეობის სამინისტროს ინფორმაციით, 2013 წელს რეგიონიდან ექსპორტირებულია 42374.3 ტონა, 46759.5 ათასი ლარის ღირებულების პროდუქტი.
როგორც ირკვევა, სოფლის მეურნეობისა და კვების პროდუქტების ექსპორტ-იმპორტის სავაჭრო სალდო უარყოფითია და 147892.3 ათას ლარს შეადგენს. იმპორტის მაჩვენებელი 4.32 ჯერ აღემატება ექსპორტის მაჩვენებელს. საანგარიშო პერიოდში აგროსასურსათო პროდუქციის ექსპორტის მიხედვით უმსხვილესი სავაჭრო პარტნიორია უკრაინა, სადაც ძირითადად გადის ციტრუსი, დაფნა, ევკალიპტი და სუბტროპიკული ხურმა. აგროსასურსათო პროდუქციის იმპორტში პირველ ადგილს თურქეთი ინარჩუნებს, საიდანაც ძირითადად ხილ-ბოსტნეული და საკონდიტრო ნაწარმი შემოდის. იმპორტირებულ პროდუქციაში პირველი ადგილზე არის ხორბალი, რომლის რაოდენობა მ80670 ტონა (41981.2 ათასი ლარი) შეადგინა.