პოლიტიკური გაერთიანება "საქართველოს ეროვნული დემოკრატები" ადგილობრივი თვითმმართველობის არჩევნებში მონაწილეობას დამოუკიდებლად აპირებს და ამ დრომდე მას არანაირ ოპოზიციურ გაერთიანებაში შესვლაზე თანხმობა არ განუცხადებია.
"საქართველოს ეროვნული დემოკრატების" ლიდერმა პაატა დავითაიამ "ჯი-ეიჩ-ენ"-თან საუბარში კატეგორიულად უარყო გავრცელებული ინფორმაცია ახალ, 7 სუბიექტიან საარჩევნო ბლოკში გაწევრიანებასთან დაკავშირებით და აღნიშნა, რომ ამგვარი ინფორმაციის გავრცელების მოტივაცია მისთვის უცნობია.
მისივე თქმით, "საქართველოს ეროვნული დემოკრატების" გადაწყვეტილება შესაძლოა, არც მას შემდეგ შეიცვალოს, რაც პოლტიკური გაერთიანება ცალკე სუბიექტად დარეგისტრირდება.
"გარკვეული კონსულტაციები სხვა მიმართულებით გაერთიანების სუბიექტებთან მიმდინარეობს. ჩვენ არჩევნებში მონაწილეობას დამოუკიდებლად ვაპირებთ და ამაში დასამალი არაფერია",-აღნიშნა მან.
გასული კვირის ბოლოს გავრცელდა ინფორმაცია ახალი, 7 წევრიანი ოპოზციური გაერთაინების შექმნის შესახებ, სადაც თიტქოს "ედპ", "განვითარების რეგიონალური ინსტიტუტი", "ქალთა პარტია"," მოძრაობა სამართლიანი არჩევნებისათვის" და კიდევ რამდენიმე, მათ შორის პაატა დავიათაიას პოლიტიკური გაერთიანება გაწევრიანდა.
