საცალო ქსელში საწვავის გაძვირება გრძელდება. „ლუკოილის" ინფორმაციით, დღეიდან მათ ქსელში მხოლოდ ერთი სახის პროდუქტი გაძვირდა. საუბარია „ევრო რეგულარზე", რომლის ღირებულებაც 1,95 თეთრი იყო, ხოლო დღეიდან „ევრო რეგულარის" ფასი 2:00 ლარს შეადგენს. რაც შეეხება დანარჩენი პროდუქტების ფასს, ის ჯერჯერობით უცვლელია.
რაც შეეხება „გალფს" მათ ქსელში ფასების გაძვირება 12 აპრილს მოხდა და ზრდა მხოლოდ ორი პროდუქტის ფასს შეეხო, რომელთა გასაყიდმა ღირებულებამაც 3 თეთრით მოიმატა. კომპანიის ინფორმაციით, მათ ქსელში გაძვირდა დიზელი და „რეგულარი" და შესაბამისად ახალი ფასების ნუსხა ასე გამოიყურება: დიზელი 2,07 ლარი, ხოლო „რეგულარი" 2,05 ლარი.
ორი დასახელების პროდუქტის ფასი გააძვირა კომპანია „ვისოლმაც" კომპანიის ინფორმაციით, 11 აპრილიდან მათ ქსელშიც მხოლოდ 3-3 თეთრით „დიზელი ენერჯისა" და „რეგულარი ენერჯის" ფასმა მოიმატა.