შეხვედრაზე თურქეთის ჯანდაცვის მინისტრმა და „TUYAP"-ის პრეზიდენტმა ლევან გორგილაძეს გამოფენაში მონაწილეობისათვის მადლობა გადაუხადეს. მისასალმებელი სიტყვის დასრულების შემდეგ გაცვალეს სიმბოლური საჩუქრები.

საერთაშორისო გამოფენაში, ასევე მონაწილეობდნენ იტალიის, გერმანიისა და კვიპროსის ჯანდაცვის მინისტრები. 4 აპრილს გამოფენას შეუერთდა აჭარის ავტონომიური რესპუბლიკის უმაღლესი საბჭოს ჯანმრთელობის დაცვისა და სოციალურ საკითხთა კომიის თავმჯდომარე ჯემალ ფუტკარაძე. საკანონმდებლო ორგანოს წევრმა გამოფენაზე წარმოდგენილი პროდუქცია „TUYAP"-ის ხელმძღვანელებთან და აჭარის ჯანდაცვის მინისტრის მოადგილესთან ერთად დაათვალიერა.

სტამბოლი გამოფენა „Expo MED 2014"-ს წელს ოცდამეერთედ მასპინძლობდა. იგი ერთ-ერთ მნიშნელოვან ბიზნეს-პლათფორმას წარმოადგენს თურქეთის ჯანდაცვის ინდუსტრიაში. გამოფენაზე წარმოდგენილი იყო 40 ქვეყნის 1 200 კომპანიის უახლესი სამედიცინო აპარატურა, სხვადასხვა სახის ტექნიკა, სადიაგნოსტიკო და სარეაბილიტაციო საშუალებები, მედიკამენტები და სხვა.

საქართველოდან გამოფენაზე, საკუთარი პროდუქცია წარადგინეს ფარმაცევტულმა საწარმომ „ჯი-ემ-პი"-მ და პლასტიკური მედიცინის ცენტრმა „ტოტალ შარმი"-მ. „Expo MED 2014"-ზე დამთვალიერებლის სტატუსით იმყოფებოდა საქართველოს სამედიცინო სფეროს 100-მდე წარმომადგენელი.

„Expo MED 2014"-ი „TUYAP"-ის საგამოფენო ცენტრში 3-6 აპრილის განმავლობაში მიმდინარეობდა.