თურქეთში ვიზიტის ფარგლებში აჭარის ჯანდაცვის მინისტრის მოადგილე ლევან გორგილაძე და აჭარის უმაღლესი საბჭოს ჯანმრთელობის დაცვისა და სოციალურ საკითხთა კომისიის თავმჯდომარე ჯემალ ფუტკარაძე სამედიიცნო ფაკლულტეტის ქართველ კურსდამთავრებულებს შეხვდნენ, რომლებიც სამედიცინო კლინიკა „მედიკალ პარკში" სტაჟირების კურსს 2014 წლის იანვრიდან გადიან.
მომავალი მედიკოსები კლინიკაში რადიოლოგის, მეან-გინეკოლოგის, კარდიოქირურგის, კარდიოლოგის და ტრავმატოლოგის პროფესიას ეუფლებიან. მათ პროფესიულ განვითრებას ადგილობრივი ექიმები უზრუნველყოფენ, თითოეულ მათგანს ჰყავს მიმართულების ხელმძღვანელი, ისინი ჩართული არიან კლინიკაში მიმდინარე სამკურნალო პროცესებში, ესწრებიან ოპერაციებს, სწავლობენ დამოუკიდებლად მუშაობას. უზრუნველყოფილი არიან საცხოვრებლით და კვებით.
სამედიცინო ფაკულტეტის კურსდამთავრებულები თურქეთში სტაჟირების კურსის გასავლელად აჭარის ჯანდაცვის სამინისტროს და თურქეთში მოღვაწე ქართველი კარდიოლოგის ისმეთ დინდარის ხელშეწყობით გაემგზავრნენ.
ვიზიტის ფარგლებში ლევან გორგილაძე და ჯემალ ფუტკარაძე „მედიკალ პარკის" დირექტორს შეხვდნენ და ქართველი სტაჟიორების მასპინძლობისათვის მადლობა გადაუხადეს. „მედიკალ პარკს" ფუნქციონირების 5 წლიანი ისტორია აქვს, თურქეთში აღნიშნული ქსელის 21 საავადმყოფო მუშაობს.
