ბათუმში სამაცივრე მეურნეობის მშენებლობა იგეგმება. ამ მიზნით აჭარის მთავრობა ინვესტორს უკვე ეძებს და ბათუმში, ჯავახიშვილის ქუჩა76ა-ში მდებარე 357,1 კვ.მ შენობა-ნაგებობა და მასზე მიმაგრებული 1198 კვ.მ არასასოფლო-სამეურნეო დანიშნულების მიწის ნაკვეთი აუქციონზე უკვე გამოიტანა. ობიექტის საწყისი ღირებულება 250 ათასი ლარია და მისი გასხვისება 22 აპრილისთვის ჩანიშნულ აუქციონზე იგეგმება. პირობების მიხედვით, ინვესტორი ვალდებულია ხელშეკრულების გაფორმებიდან 14 თვის ვადაში საკუთრებაში გადაცემულ მიწის ნაკვეთზე სამაცივრე მეურნეობა მოწყოს. ასევე ინვესტორი ვალდებულია პროექტის განხორციელებისთვის არანაკლებ 800 ათასი ლარის ინვესტიცია განახორციელონ.
