საპარლამენტო უმრავლეოსობის წევრის ზაქარია ქუცნაშვილის განცხადებით, ფარულ მოსმენებთან დაკავშირებულ საკანონმდებლო პაკეტში არის საკითხები, რაც შინაგან საქმეთ სამინისტროს არ მოსწონს.
კეროდ, შსს -ს ის სიახლე არ მოსწონს, რომლის მიხედვითაც, პირის ფარულ მოსმენასთან დაკავშირებული სასამართლოს მიერ მიღებული გადაწყვეტილება ოპერატორი კომპანიისთვისაც უნდა გახდეს ცნობილი.
საქმე ეხება საკანონმდებლო პაკეტის იმ ნაწილს, რომლის გათვალისწინებით, თუკი გამოძიება იღებს მოსამართლის თანხმობას პირის ფარულ მოსმენაზე ჩართვასთან დაკავშირებით, სასამართლოს შესაბამისი გადაწყვეტილება ეგზავნება კერძო ოპერატორ კომპანიას და სწორედ ის რთავს პირს ფარულ მოსმენაზე.
როგორც დეპუტატმა ზაქარია ქუცნაშვილმა ჟურნალისტებს განუცხადა, არსებობს საკითხები, რაზეც შინაგან საქმეთა სამინისტრო თანახმაა, მაგრამ არსებობს წინააღმდეგობაც.
"პარლამენტი და შს სამინისტროც აღიარებს, რომ სამოქალაქო კონტროლის მექანიზმები შემოღებული უნდა იყოს მოსმენების წარმოების პროცესში. დღეს ასეთი მექანიზმები არ არსებობს და აუცილებელია ნდობის გაზრდის მიზნით კონტროლის მექანიზმების შემოღება."- აღნიშნა პარლამენტარმა.
მისივე თქმით, კიდევ ერთი პოზიცია, რაშიც ასევე არსებობს თანხმობა, მდგომარეობს იმაში, რომ პირადი ინფორმაცია და დანაშაულთან დაკავშირებული ინფორმაცია, მკვეთრად უნდა იყოს ერთმანეთისგან გამიჯნული.
კერძოდ, ჩაწერების, მოსმენების წარმოებისას არ უნდა მოხდეს პირადი ინტიმური ხასიათის ინფორმაცია არასასურველ გარემოში, არასასურველი პირების ხელში.
"ერთერთი საკითხი, რასაც შსს აყენებს, მდგომარეობს იმაში, თუ რამდენად მიზანშეწონილია ქვეყნის უსაფრთხოებისათვის, რომ სპეცსამსახურები და საგამოძიებო სამსახურების ინტერესების ქვეშ მყოფი პირების თაობაზე ცნობილი გახდეს მომსხურე კერძო კომპანიების მუშაკებისათვის. დღეს ეს ინფორმაცია ცნობილია მხოლოდ მოსამართლისთვის და გამომძიებლებისთვის, ოპერატიული მუშაკებისათვის და შინაგან საქმეთა სამინისტროში ფიქრობენ, რამდენად მიზანშეწონილი იქნება, თუ ასეთი პირის შესახებ ცნობილი გახდება კერძო კომპანიის მუშაკისათვის", - განაცხადა ზაქარია ქუცნაშვილმა.
