გარემოს დაცვის სფეროში მიღწეული შედეგებისა და მდგრადი პრაქტიკის დანერგვისათვის, Otherways Managments & Consalting-ზე ბათუმის ნავთობტერმინალი სპეციალური პრიზით დაჯილდოვდა. 30 -31 მარტს ბერლინში გამართულ პრესტიჟული საერთაშორისო ფორუმზე - Otherways Managments & Consalting მონაწილეობა „ ბათუმის ნავთობტერმინალმაც" მიიღო. ფორუმზე, გარემოს დაცვის სფეროში მიღწეული შედეგებისა და მდგრადი პრაქტიკის დანერგვისათვის, „ბათუმის ნავთობტერმინალი" სპეციალური პრიზითა და სიგელით დაჯილდოვდა, რომელიც დელეგაციის ხელმძღვანელს, ტერმინალის დირექტორს გიორგი კილაძეს გადაეცა.
აღსანიშნავია, რომ შპს „ბათუმის ნავთობტერმინალმა", უფრო ადრეც, 2012 წლის ნოემბერში, სანკტ-პეტერბურგში ჩატარებულ VII საერთაშორისო კონგრესზე - „ნავთობის ტერმინალი", მიიღო მთავარი პრიზი და სიგელი - გარემოს დაცვის სფეროში მიღწეული შედეგებისა და ეკოლოგიური უსაფრთხოების უზრუნველსაყოფად დანერგილი ინოვაციური გადაწყვეტილებებისათვის.
„ბათუმის ნავთობტერმინალი" 2008 წლიდან, წარმოადგენს ყაზახეთის რესპუბლიკის ნაციონალური კომპანიის ,,, ყაზმუნაიგაზის" შვილობილი კომპანიის „ყაზტრანსოილის" საკუთრებას.
როგორც ტერმინალის მენეჯმენტი აცხადებს, ბოლო 6 წლის განმავლობაში, „ბათუმის ნავთობტერმინალმა" კიდევ უფრო გააქტიურა ეკოლოგიური და სამრეწველო უსაფრთხოებისაკენ და საწარმოს მდგრადი განვითარებისაკენ მიმართული საქმიანობა: წარმატებით განახორციელა ნავთობის გადატვირთვის ინფრასტრუქტურის მოდერნიზაცია, დაინერგა ნავთობის აირების და ჩამდინარე წყლების გაწმენდის ახალი ტექნოლოგიური დანადგარები, მუდმივად სრულდება რისკ-ფაქტორების შეფასებისა და შრომის უსაფრთხო პირობების უზრუნველყოფის პროცედურები, დაინერგა ხარისხის, გარემოს დაცვისა და ჯანმრთელობის დაცვის და უსაფრთხოების მართვის ოპტიმიზირებული სისტემები, რომლებიც შესაბამისობაშია ISO 9001:2008, ISO 14001:2004, OSHAS 18001:2007 и ISO 29001 - ,, ხარისხის ინტეგრირებული მენეჯმენტის სისტემები" საერთაშორისო სტანდარტებთან.
