თავდაცვის მინისტრი ირაკლი ალასანია პრემიერ-მინისტრის ირაკლი ღარიბაშვილის გერმანიაში დაგეგმილ ვიზიტს ეხმიანება და აცხადებს, რომ მას ქვეყნის ევროპული, ასევე ევროატლანტიკური ინტეგრაციის კუთხით დიდი მნიშვნელობა ექნება.
,,წელს, ეს იქნება პრემიერ-მინისტრის ერთ-ერთი ყველაზე მნიშვნელოვანესი ვიზიტი პრეზიდენტ ობასთან შეხვედრის შემდეგ რომელსაც ექნება ძალიან დიდი დატვირთვა და მნიშვნელობა როგორც ევროპული ინტეგრაციის ასევე ევროატლანტიკური ინტეგრაციის კუთხით.ჩვენი მხრიდან ვაგრძელებთ თანამშრომლობას გერმანიის სამხედრო ქვედანაყოფებთან და იცით, რომ ავღანეთის მომდენო ოპერაციაში ვიქნებით გერმანელებთან ერთად ჩრდილოეთ ავღანეთში", _განაცხადა ალასანიამ.
საქართველოს პრემიერ-მინისტრი ირაკლი ღარიბაშვილი გერმანიის კანცლერმა ანგელა მერკელმა გერმანიის ფედერალურ რესპუბლიკაში ვიზიტით მიიწვია.
ეს არის ანგელა მერკელის მიერ საქართველოს ხელისუფლების პირველი პირების პირველი მიწვევა გერმანიაში.
გერმანიისა და საქართველოს მთავრობის მეთაურები ერთმანეთს პირისპირ შეხვდებიან. მოლაპარაკების ფარგლებში განიხილება, როგორც ორმხრივი, ასევე მრავალმხრივი ურთიერთობების საკითხები.
ანგელა მერკელის მიწვევას განსაკუთრებული მნიშვნელობა ენიჭება ევროკავშირთან ასოცირებისა და ღრმა და ყოვლისმომცველი თავისუფალი სავაჭრო სივრცის შესახებ შეთანხმებაზე ხელმოწერის წინ, რომელიც არაუგვიანეს ივნისისა გაიმართება.
ირაკლი ღარიბაშვილის ვიზიტი გერმანიაში სავარაუდოდ, ივნისის პირველ ნახევარში შედგება.
