„ვისოლ პეტროლიუმ ჯორჯია" განაგრძობს მომსახურების ცენტრების ქსელის განვითარებას და თბილისში, დავით აღმაშენებლის ხეივნის მე-9 კილომეტრზე, „ვისოლის" ავტოგასამართ სადგურზე მომსახურების ახალ ობიექტს ხსნის.
„„ვისოლ პეტროლიუმ ჯორჯიას" მომსახურების ახალი ცენტრი კორპორაციულ მომხმარებელს საშუალებას მისცემს სრულყოფილი მომსახურება მათთვის მოსახერხებელ ადგილას მიიღონ. მომსახურების ცენტრების ქსელის განვითარება ერთგულ მომხმარებელს უმაღლესი ხარისხის პროდუქტისა და მომსახურების მიღებისთვის დამატებით კომფორტს უქმნის, რაც ჩვენი ბიზნეს ჯგუფის ყველაზე მნიშვნელოვანი პრიორიტეტია", - აცხადებს "ვისოლ პეტროლიუმ ჯორჯიას" გენერალური დირექტორი ვასილ ხორავა.
„ვისოლ პეტროლიუმ ჯორჯიას" საკუთრებაში არსებული ავტოგასამართი სადგურების ყველაზე ფართი ქსელი აქვს საქართველოში და ნავთობპროდუქტების ყველაზე ფართო არჩევანს სთავაზობს მომხმარებელს. 2014 წლის თებერვლიდან „ვისოლის" ქსელში „ეკო სუპერის, „ეკო დიზელის", „ეკო პრემიუმის" რეალიზაცია დაიწყო. ვისოლი ინოვატორია საქართველოს ნავთობსექტორში და უმაღლესი ხარისხის საწვავისა და მაღალტექნოლოგიური სერვის პროდუქტების შეთავაზებით საცალო ბაზრის ლიდერია.
