"აირჩიე ქართულის" ორგანიზებით 11-12 აპრილს დიღმის გუდვილში წინასააღდგომო გამოფენა-გაყიდვა მოეწყობა "აირჩიე ქართულის" ორგანიზებით 11-12 აპრილს "გუდვილის" დიღმის ჰიპერმარკეტში ქართული პროდუქციის წინააღდგომო გამოფენა -გაყიდვა-დეგუსტაცია მოეწყობა. პროექტი რიგოთ მეოთხეა.
ქართული პროდუქცია წინასააღდგომოდ მომხმარებლისთვის სპეციალური ფასით იქნება შეთავაზებული. გამოფენა-გაყიდვა-დეგუსტაცია 13 საათზე გაიხსნება და მას საქართველოს სოფლის მეურნეობის სამინისტროს, ეკონომიკური განვითარების სამინისტროს, პარლამენტის აგრარული კომიტეტი წარმომადგენლები, ასევე სხვადასხვა ორგანიზაციების წარმომადგენლები დაესწრებიან.
ღონისძიებაში პირველად მონაწილეობს ევროკავშირის ENPARD-ის პროგრამის წარმომადგენლები, რომელიც ფერმერული მეურნეობების განვითარების მიმართულებით აქტიურად მუშაობს. ,,აირჩიე ქართული'' გამოფენა-გაყიდვაში წარმოდგენილი იქნება აგრარული (თაფლი, ჩაი, ნატურალური წვენები, ღვინო და სხვადასხვა ალკოჰოლური სასმელები, მინერალური წყლები, საკონსერვო პროდუქცია, მურაბები, ჯემები, ტკბილეული, სნექები და ა.შ) და ხალხური რეწვის პროდუქცია. ღონისძიების მიზანი ქართული პროდუქციის პოპულარიზაცია და მცირე რეგიონალური საწარმოების მხარდაჭერაა. ღონისძიება წელიწადში ორჯერ აღდგომის და ახალი წლის წინა კვირებში იმართება.
ღონისძიების ორგანიზატორი არის ,,გაყიდვების მართვის კომპანია'', რომლის მიზანია ქართული, რეგიონალური მცირე წარმოებების მზარდაჭერა, გაყიდვების მართვის, მარკეტინგის, მენეჯმენტის მიმართულებით. კომპანიის მიერ შექმნილია სავაჭრო ნიშანი ,,აირჩიე ქართული''.
მასალის გამოყენების პირობები
