"თათუხაშვილის საქმესთან დაკავშირებით არსებული კითხვები ლეგიტიმურია და პროკურატურა უსირცხვილოდ ტყუის", - ამის შესახებ "ნაციონალური მოძრაობის" ერთ-ერთმა ლიდერმა, გიგი უგულავამ განაცხადა.
რაც არ უნდა ალკოჰოლიკად, ფსიქიკურად აშლილად გამოაცხადონ ადამიანი, კითხვები არის, კითხვები არის ლეგიტიმური და არ ჩაცხრება. რაც უფრო ჯიუტად შემოგვთავაზებენ ახალ-ახალ, რაღაც ერთმანეთთან დაუკავშირებელ ვერსიებს, მით უფრო მეტი პრობლემა შეიქმნება. მათთვის შეიქმნება ეს პრობლემა, იმიტომ, რომ როცა გარდაცვლილია ადამიანი, ამ ოჯახს უკან დასახევი გზა არ აქვს. ეს ხომ კარგად უნდა იცოდნენ. გუშინ საუბრობდა პროკურორი, რომ სანდო არ არის ალტერნატიული ექსპერტიზა, იმიტომ, რომ ფოტომასალაზეა დაყრდნობილი. კი მაგრამ, ფოტომასალებზე დაყრდნობილიც კი არ გაუკეთებიათ ჟვანიას საქმეზე, ჩიჩუა ისეა დაჭერილი. ეს ორმაგი სტანარტი ანგრევს პროკურატურას", - აცხადებს გიგი უგულავა.