დედაქალაქის უფლებაშეჩერებული მერი გიგი უგულავა უშიშროების საბჭოს ყოფილი მდივნის გიგა ბოკერიას დაკითხვას გამოეხმაურა და აღნიშნა რომ ის პროკურატურას არ ენდობა.
"... რა თქმა უნდა, არ ვენდობი ამ პროკურატურას, არ ვენდობი არც მათ ინტელექტს, არც მათ შესაძლებლობას თუნდაც გამოძიების, არც მათ უნარს, განსაზღვრონ რა არის მიზნობრივი და რა - არა. თუ ეს შარიკოვის მსგავსი არსება საუბრობს, რომ ის ლობისტები, რომლებიც საქართველოს სახელმწიფოს, შესაბამისად, საქართველოს მთავრობას ყავდა დაქირავებული იმისათვის, რომ ჩვენ ეფექტურად გვემუშავა დასავლელ პარტნიორებთან საქართველოს ინტერსებისთვის და ამას დღევანდელი მთავრობა ეძახის არამიზნობრივს, მაშინ აქ ყველაფერი ნათელია. მათთვის ამერიკა და ევროპა არამიზნობრივი ხარჯია", - აგანცხადა უგულავამ.
გულავამ იკითხა, რომ დღევანდელ მთავრობასაც ყავს დაქირავებული ლობისტები და შეუძლია თუ არა პროკურატურას განსაზღვროს მათი ეფექტურობა?
ამის პარალელურად მინდა ვთქვა და ესეც ღია ინფორმაციაა, დღევანდელ მთავრობასაც ყავს დაქირავებული ლობისტები და რომელი პროკურორის IQ ეყოფა იმას შეამოწმოს, რომელი ლობისტი არის ეფექტური და რომელი არა, ეს პოლიტიკური დისკუსიის საგანია და არა იმ შარიკოვის, რომელიც გვესაუბრება დღეს პროკურატურის სახელით", - აღნიშნა უგულავამ.