უშიშროების საბჭოს ყოფილი მდივნის, გიგა ბოკერიას მეუღლე, ჟურნალ "ტაბულას" რედაქტორი, თამარ ჩერგოლეიშვილი აცხადებს, რომ თუკი გიგა ბოკერიას პროკურატურა ბრალს წაუყენებს და ციხეში ჩასვამს, მათ ჯოჯოხეთს მოუწყობს. ამის შესახებ ჩერგოლეიშვილმა მთავარ პროკურატურასთან, გიგა ბოკერიას დაკითხვაზე შესვლამდე განაცხადა.
ჩერგოლეიშვილის მტკიცებით, მისი ქმრის დაკავება ყოფილმა პრემიერმა, ბიძინა ივანიშვილმა, ჯერ კიდევ წელიწად-ნახევრის წინ დააანონსა.
"ბიძინა ივანიშვილი გიგას დაჭერას აანონსებს უკვე წელიდან-ნახევარია. ნებისმიერი საერთაშორისო კრიტიკის შემდეგ, მას ახსენდება ხარჯები, რომელიც თურმე ლობისტებზე დაიხარჯა. ნებისმიერი საერთაშორისო კრიტიკის შემდეგ, ასე გამოიყურება პროვინციული ჰაკიმ ფაშიზმი. არაუშავს, ვნახოთ, რეალურად, ის მოწმის სახით დაბარებაც ხომ ფარსია. ბრალის წაყენება უნდათ. სადაც ნელსონ მანდელა იჯდა ციხეში 23 წელი, რამენაირად ჩემი ქმარიც გადაიტანს ამას, მაგრამ ივანიშვილსა და მის პაჟს, ღარიბაშვილს ვპირდები, რომ ჯოჯოხეთს მოვუწყობ", - განაცხადა თამარ ჩერგოლეიშვილმა.
