უშიშროების საბჭოს ყოფილ მდივანს, გიგა ბოკერიას, ამ წუთებში საქართველოს მთავარ პროკურატურაში კითხავენ.
უწყებაში შესვლამდე, ბოკერიამ კომენტარი ჟურნალისტებთან გააკეთა და განაცხადა, რომ მისთვის მოულოდნელი არ ყოფილა პროკურატურაში დაბარება, გამომდინარე იმ განცხადებებიდან, რასაც ქვეყნის ყოფილი პრემიერ-მინისტრი, ბიძინა ივანიშვილი აანონსებდა. როგორც უშიშროების საბჭოს ყოფილი მდივანი აცხადებს, აქ ის ბრალდებები, რომელიც მას წაუყენეს, არაფერ შუაშია და მთავარი პოლიტიკური მოტივაციაა.
„დაკითხვაზე გამოძახება მულოდნელი არ ყოფილა ჩემთვის. ბიძინა ივანიშვილი, როდესაც პრემიერ-მინისტრი იყო და შემდეგაც, დე ფაქტო მმართველობას აგრძელებს, საჯაროდ ბევრჯერ დაუანონსებია ეს ამბავი, რომ პოლიიტკური დაკვეთა აქვს, საკმაოდ მკაფიოდ ნათქვამი, ის, რაც ხდება დღეს ქვეყანაში, პროკურატურა ჩვეულებრივ გამოიყენება პოლიტიკურ ინტსტრუმენდათ ხელისუფლების ხელში. მაშინ, როდესაც ჩემი თანაგუნდელების, მეგობრების დიდი ნაწილი ციხეშია, ან ბრალი აქვს წაყენებული და დაკიტხვაზე დაატარებენ, ცოტა უხერხულიც კი იყო, ასე რომ დააგვიანდათ ჩემი დაკითხვაზე დაბარება. უფრო კონკრეტულად, თუკი შეიძლება რომ ამ დღეს დავუკავშიროთ ჩემი დაკითხვაზე დაბარება, იმას ეხება, რომ ხელისუფლება პოლიტიკურ კრიზისშია, თათუხაშვილის საქმესთან დაკავშირებითმ, ნუგზარ წიკლაურის ცემა და ხელსაყრელ მომენტად მიიჩნიეს ეს დღე. ბატონმა ივანიშვილმა საჯაროდ ილაპარაკა, რომ უსაფრთხოების პოლიტიკასა და საერთაშორისო ასპარეზზე ჩვენი საქმიანობისთვის თანხა არამიზნობრივად დაიხარჯა. ვთვლი და მაშინაც ვთვლიდი, როდესაც უშიშროების საბჭოს მდივანი ვიყავი, რომ ევროატლანტიკური ინტეგრაცია, არაღიარების პოლიტიკა, რუსეთთან დაკავშირებული საკითხები და ყველა სხვა თემა, რომელიც საერთაშორისო ასპარეზზ ეხება, იყო ჩემი მოვალეობა და თუ მათ ეს ადექვატურადაც კი არა, კრიმინალურად მიაჩნია, დღეს იქნება თუ ხვალ, არ მინდა ვიმარჩიელო, შესაძლოა დე ფაქტო მმართველმა გადაწყვეტილებაც შეცვალოს. საქმის დეტალებს არ აქვს მნიშვნელობა, ეს წმინა წყლის პოლიტიკური დაკვეთაა", - განაცხადა გიგა ბოკერიამ.
