რუსეთის საგარეო საქმეთა მინისტრი სერგეი ლავროვი უკრაინის საზღვართან, როსტოვის ოლქში რუსული ჯარის ყოფნის კომენტირებისას დასავლეთს მოუწოდებს ნუ გაბერავენ ამ თემას და აღნიშნავს, რომ საჯარისო დანაყოფების გადაადგილება ქვეყნის ტერიტორიაზე სამართლებრივ ნორმებს არ ეწინააღმდეგება. ინფორმაციას ამის შესახებ რუსული მედია ავრცელებს.
„თქვენს ყურადღებას გავამახვილებ იმაზე, რომ რუსეთის ფედერაციის ტერიტორიაზე, რუსეთის ფედერაციის საჯაროსო ფორმირებების გადაადგილებაზე არავითარი შეზღუდვები არ არსებობს და ჩვენი დასავლელი პარტნიორებიც აღიარებენ, რომ სამართლებრივი თვალსაზრისით აქ არავითარი პრობლემა არ არსებობს",_ აცხადებს ლავროვი და აღნიშნავს, რომ საერთაშორისო ნორმეს არა რუსეთი, არამედ აშშ არღვევს.
ლავროვი აღნიშნავს, რომ უკვე რამდენჯერმე აშშ-ს საზღვაო შეიარაღებული ძალების გემებბა შავ ზღვაში თავისი ყოფნის დროს არამართლზომიერად გადააჭარბეს. ლავროვი აცხადებს, რომ რუსეთი ყოველივე ამას თვალყურს გაადევნებს.
„ყურადღება მივაქციეთ, რომ ბოლო დროს აშშ-ს სამხედრ გემებმა რამდენჯერმე დადგენილ ნორმაზე მეტად გაახანგრძლივეს თავისი ყოფნა შავ ზღვაში",_ განაცხადა ლავროვმა.