IDFI -ი ფინანსური ხასიათის დანაშაულების შესახებ სტატისტიკურ ინფორმაციას აქვეყნებს, რომლის მიხედვირაც ირკვევა, რომ გადასახადისათვის თავის არიდების რაოდენობრივად, ბოლო წლებში ყველაზე მეტი, 452 შემთხვევა 2010 წელს გამოვლინდა, მას შემდეგ კლებადი ტენდენცია შეინიშნება. 2013 წელს აღნიშნული მაჩვენებელი 103 შემთხვევამდე შემცირდა.
IDFI -ი ფინანსთა სამინისტროს საგამოძიებო სამსახურის მიერ მიწოდებული ინფორმაციის მიხედვით აღნიშნავს, რომ 2004 წლის 15 მარტიდან 2014 წლის 6 მარტამდე საგამოძიებო სამსახურის მიერ სულ გამოვლენილია ფინანსური ხასიათის დარღვევების 9815 შემთხვევა. საანგარიშო პერიოდში ყველაზე მეტი დანაშაული გამოვლენილია 2005 წელს - 1863 შემთხვევა, ხოლო ყველაზე ცოტა დარღვევა დაფიქსირდა 2008 წელს - 422 შემთხვევა.
2004-2014 წლებში გამოვლენილი ფინანსური სახის დანაშაულებს შორის ყველაზე დიდი ოდენობა (2155) გამოვლენილია მითვისება ან გაფლანგვის მუხლით. რიგით მეორე გამოვლენილ დანაშაულებს შორის არის გადასახადისათვის თავის არიდება 1709.
ფინანსთა სამინისტროს საგამოძიებო სამსახურის მიერ გამოვლენილი მითვისებისა და გაფლანგვის ფაქტების ყველაზე დიდი მაჩვენებლები ფიქსირდება 2005-2007 წლებში. 2008 წლიდან 2012 წლამდე, წინა სამ წელთან შედარებით შემთხვევათა რაოდენობა თითქმის განახევრებულია. 2013 წელს კი დანაშაულის რაოდენობა გარკვეულწილად კვლავ იმატებს და 219-ს შეადგენს.
ფინანსთა სამინისტროს საგამოძიებო სამსახურის მიერ გამოვლენილ ფინანსური ხასიათის დანაშაულებს შორის ერთადერთ დანაშაულს წარმოადგენს ქრთამის აღება, რომლის ყველაზე მაღალი მაჩვენებელი (56 შემთხვევა) ფიქსირდება 2013 წელს წინა წლებთან შედარებით. 2014 წლის 6 მარტამდე საგამოძიებო სამსახურის მიერ უკვე გამოვლენილია აღნიშული დანაშაულის 8 ფაქტი.
