მსოფლიოში ცნობილი სახელმძღვანელო „რეკლამა და პრომოცია : ინტეგრირებული მარკეტინგული კომუნიკაციების ხედვა" უკვე ქართულ ენაზეცაა ხელმისაწვდომი. გამომცემლობა ,, დიოგენემ" და საქართველოში აშშ-ის საელჩომ, საზოგადოებას ქართულ ენაზე თარგმნილი მარკეტინგის ცნობილი საერთაშორისო სახელმძღვანელო უკვე წარმოუდგინა, რომლის სარეალიზაციო ღირებულებაც 55 ლარია.
წიგნში „რეკლამა და პრომოცია : ინტეგრირებული მარკეტინგული კომუნიკაციების ხედვა", მრავლადაა კონკრეტული მაგალითები, თუ ამა თუ იმ ბიზნესის წარმომადგენლებმა, როგორ აწარმოეს საკუთარი კომპანიის მარკეტინგული და სარეკლამო კამპანია, რათა წარმატებისთვის მიეღწიათ და რამდენს ხარჯავენ ცნობილი ბრენდები სარეკლამო კამპანიებში.
„ვფიქრობთ, რომ გამოცემა მეტად საინტერესო და მნიშვნელოვანია PR და მარკეტინგის სპეციალისტებისათვის, ასევე სტუდენტებისათვის, რომლებიც შესაბამის პროფესიებს ეუფლებიან. ეს არის სახელმძღვანელო, რომელსაც სასწავლო პროცესში გამოიყენებენ როგორც ლექტორები ასევე სტუდენტები. ამ წიგნში ძალიან მკვეთრდაა განსაზღვრული მარკეტინგის სხვადასხვა სტრატეგიები. აქ იგულისხმება რეკლამა, პირდაპირი მარკენტინგი, საზოგადოებასთან ურთიერთობა, ასევე აღწერილია ინტეგრირებული მარკეტინგის სხვადასხვა საშუალებები. გაანალიზებულია თუ რა შედეგები მოაქვს ამ სტრატეგიებს. ასევე მოყვანილია მაგალითები მსოფლიოს უმსხვილესი კომპანიების საქმიანობის შესახებ, თუ როგორ წარმართავენ სარეკლამო კამპანიებს და რა შედეგები მოაქვს რეკლამას და რამდენად მნიშვნელოვანია PR და მარკეტინგული სტრატეგიების მართვა.
სახელმძღვანელო მსოფლიოში საკმაოდ ცნობილი სახელმძღვანელოა და ის გამოცემულია ძალიან ბევრ ენაზე. წიგნი პირველად გამოიცა ქართულ ენაზე, რომელზეც რამდენიმე პროფესიონალი რედაქტორი და მთარგმნელი მუშაობდა. წიგნი არის 825 გვერდიანია და მასში განთავსებულია შესაბამისი ფოტომასალაც . წიგნი სტრუქტურულად კარგადაა აგებული, რაც აადვილებს სწავლის პროცესს. აქ მხოლოდ თეორიული მასალა არის, აქ განხილულია პრაქტიკული მასალაც. ეს წიგნი მხოლოდ ამ სფეროთი დაინტერესებულ ადამიანებზე არ არის გათვლილი, ის საჭიროა ყველა კომპანიის მმართველისთვის, რომელსაც სურს, რომ სწორად წარმართოს ბიზნესი"- განმარტავს „დიოგენეს" საზოგადოებასთან ურთიერთობის მენეჯერი ნინო კუსრაშვილი.
„დიოგენეში" აცხადებენ, რომ „რეკლამა და პრომოცია : ინტეგრირებული მარკეტინგული კომუნიკაციების ხედვა"-ს ავტორები დარგის ცნობილი სპეციალისტები არიან, მოღვაწეობენ სან-დიეგოს უნივერსიტეტში და სხვადასხვა კომპანიას კონსულტაციებსაც უწევენ, რაც წიგნის აგებულებასა და შინაარსზეც აისახა.
სახელმძღვანელოს ყოველი თავი შეიცავს ინტეგრირებული მარკეტინგული კომუნიკაციების ხედვის, IMC ტექნოლოგიების, გლობალური და ეთიკური ხედვის ჩანართებს. ამ ნაწილებში აღწერილია როგორც ბიზნესის , ისე რეკლამისა და პრომოციის სფეროში მოქმედი მსხვილი, საშუალო და მცირე კომპანიების მუშაობა; შესაძლებელი ხდება თეორიული დებულებების პრაქტიკაში გამოყენების ( თუ არგამოყენების ) შედეგების აღქმა და გაანალიზება. სახელმძღვანელოს ავტორები: ჯორჯ. ი. ბელჩი და მაიკლ ე. ბელჩი არიან.
