თბილისის უფლებამოსილებაშეჩერებული მერის გიგი უგულავას პროცესი მოსამართლის გამოუცხადებლობის გამო გადაიდო.
დღევანდელ პროცესზე მოსამართლეს მტკიცებულებების დასაშვებლობაზე უნდა ემსჯელა. როგორც ჟურნალისტებთან ბრალდებულმა გიგი უგულავამ საქალაქო სასამართლოში განაცხადა საქმე ყოფილი პრემიერ-მინისტრის ბიძინა ივანიშვილის დავალებით ყოფილი პროკურორის ოთარ ფარცხალაძის მიერაა ,,შეკერლი" და იგი პოლიტიკურად მოტივირებულია.
შეგახსენებთ, რომ საქალაქო სასამართლოში თბილისის განვითარების ფონდიდან ხელფასებად დარიგებული თანხების საქმეზე გიგი უგულავას, დავით ალავიძის, ალექსი თაბუაშვილისა და დავით ავალიანის მორიგი წინასასამართლო სხდომა უნდა გამართულიყო. გამოძიება ყოფილ მაღალჩინოსნებს დიდი ოდენობით საბიუჯეტო თანხების გაფლანგვას ედავება. ბრალის დამტკიცების შემთხვევაში ყოფილ მაღალჩინოსნებს 7-11 წლამდე პატიმრობა ემუქრებათ.
