1991 წლის 31 მარტის რეფერენდუმი უმნიშვნელოვანესი მოვლენა იყო საქართველოს უახლეს ისტორიაში, - განაცხადა საქართველოს პრემიერ-მინსტრმა ირაკლი ღაიბაშვილმა
"საყოველთაო სახალხო გამოკითხვა, რომლის შედეგადაც საქართველოს მოსახლეობამ აირჩია სახელმწიფოებრივი დამოუკიდებლობა, გამოხატავდა არა მარტო ქართველი ერის, არამედ საქართველოს მრავალეროვანი ხალხის ერთსულოვან ნებას. დღეს განსაკუთრებით მნიშვნელოვანია იმის აღნიშვნა, რომ რეფერენდუმი ჩატარდა საქართველოს მთელ ტერიტორიაზე, აფხაზეთისა და ცხინვალის რეგიონის ჩათვლით.
საქართველოს მოსახლეობამ ამ დღეს შეცვალა რეალობა და ამით ჩვენი ქვეყნის ცხოვრებაში ახალი ეპოქა დაიწყო. 31 მარტის რეფერენდუმის გადაწყვეტილება დღესაც ინარჩუნებს თავის მნიშვნელობას - ეს არის საქართველოს ხალხის ურყევი ნება და საქართველოს სახელმწიფოებრივი დამოუკიდებლობის საძირკველი", - განაცხადა პრემიერ-მინისტრმა. .
