,,ნატო-ს გაფართოების პროცესი გაგრძელდება", - ამის შესახებ გერმანულ გამოცემა "ველტთან" ისაუბრა.
ნატო-ს გენერალური მდივნის განმარტებით, აღმოსავლეთ ევროპის ქვეყნების ორგანიზაციაში შესვლა ჩვენი დროის შთამბეჭდავი წარმატებაა, თუმცა ნატო-ს ამოცანა ამ დრომდე მიღწეული არ არის.
რასმუსენმა ასევე ხაზგასმით აღნიშნა, რომ პარტნიორული ურთიერთობები უკრაინასთან გაძლიერდება, ყველა იმ ევროპულ ქვეყანას კი, რომელიც მზად არის ალიანსის პრინციპების დაცვით თანამშრომლობისა და უსაფრთხოების საკითხებში წვლილის შესატანად, შეუძლია კვლავაც მიმართოს ჩრდილოატლანტიკურ ალიანსს წევრობის მოთხოვნით.
ყირიმში რუსეთის ქმედების შეფასებისას, ნატო-ს გენერალურმა მდივანმა კიდევ ერთხელ აღნიშნა, რომ ეს რუსეთის მხრიდან საერთაშორისო სამართლისა და ნორმების, ასევე უკრაინის სუვერენიტეტისა და ტერიტორიული მთლიანობის უხეში დარღვევაა.
მასალის გამოყენების პირობები