ეროვნული ბანკის ყოფილი პრეზიდენტმა, ამჟამად ეკონომიკური განვითარების ცენტრის თავმჯდომარემ, როგორც რომან გოცირიძემ განაცხადა, რომ ფინანსური მონიტორინგის სამსახურის ეროვნული ბანკიდან ფინანსთა სამინისტროსთვის დაქვემდებარებაში გადასვლის ნაცვლად მისი პირდაპირი დაქვემდებარება პრემიერ-მინისტრთან უკეთესი გამოსავალია თავდაპირველთან შედარებით.
მიუხედავად ამისა, იგი თვლის რომ მისი დაქვემდებარება ისეთი აპოლიტიკური ინსტიტუტიდან, როგორიც ეროვნული ბანკია პოლიტიკურისადმი, როგორსაც მთავრობა წარმოადგენს შეიცავს დამატებით რისკებს. ამის დამადასტურებლად რომან გოცირიძეს მოჰყავს კანონის ის ნორმა,რომელიც 2010 წელს საერთაშორისო ორგანიზაციების რეკომენდააციით დაემატა . იგი ამ ცვლილებას ნეგატიურად აფასებს და მიაჩნია, რომ პარლამენტი კიდევ ერთხელ უნდა დაუბრუნდეს მის განხილვას და შესაბამის საერთაშორისო ოგანიზაციებთან კონსულთაციების შემდეგ მას მისცეს ისეთი სახე, რომელიც გამოირიცხავს მის გამოყენება პოლიტიკური დევნის მიზნით და რომლის პრეცედენტებსაც ჰქონდა ადგილი უახლოეს წარსულში. კანონის ამ მუხლის მთავარი საფრთხე რომან გოცირიძის აზრით მდგომარეობს მის შერჩევით გამოყენებაში, როცა პოლიტიკურური ოპონენტების ფინანსური და ქონებრივი აქტივობები შეიძლება განსაკუთრებული დაკვირვების საგანი გახდეს.
"ჯი-ეიჩ-ენი" გთავაზობთ კანონის ამ 6/1 მუხლს, საიდანაც ჩანს ის პოტენციური რისკები, რომელსაც ამ ნორმის არამართლზომიერად გამოყენება შეიცავს.
მუხლი 6/1. მონიტორინგის განმახორციელებელი პირის
ვალდებულებანი პოლიტიკურად აქტიურ პირებთან
დაკავშირებით
1. მონიტორინგის განმახორციელებელი პირი ვალდებულია გამოარკვიოს,
მიეკუთვნებიან თუ არა მასთან საქმიან ურთიერთობაში მყოფი პირი და მისი ბენეფიციარი
მესაკუთრე პოლიტიკურად აქტიურ პირთა კატეგორიას.
2. თუ მონიტორინგის განმახორციელებელ პირთან საქმიან ურთიერთობაში მყოფი
პირი ან/და მისი ბენეფიციარი მესაკუთრე პოლიტიკურად აქტიური პირები არიან,
მონიტორინგის განმახორციელებელმა პირმა, გარდა ამ კანონით გათვალისწინებულისა,
დამატებით უნდა განახორციელოს შემდეგი ღონისძიებები:
ა) ხელმძღვანელობისგან მიიღოს ასეთ პირთან საქმიანი ურთიერთობის დამყარების
ნებართვა;
ბ) მიიღოს გონივრული ზომები ასეთი პირის ფულადი სახსრებისა და ქონების
წარმომავლობის, აგრეთვე ანგარიშის ბენეფიციარის ვინაობის დასადგენად;
გ) განახორციელოს ასეთ პირთან თავისი საქმიანი ურთიერთობის მუდმივი
მონიტორინგი.
3. თუ პირი (მისი ბენეფიციარი მესაკუთრე) მონიტორინგის განმახორციელებელ
პირთან საქმიანი ურთიერთობის დამყარების შემდეგ გახდა პოლიტიკურად აქტიური
პირი, მონიტორინგის განმახორციელებელი პირი ვალდებულია ასეთი ინფორმაციის ხელმისაწვდომობისთანავე განახორციელოს მის მიმართ ამ მუხლის მე-2 პუნქტით
გათვალისწინებული ღონისძიებები.
