სასჯელაღსრულების მინისტრი სოზარ სუბარი ყოფილი პრეზიდენტის მიხეილ სააკაშვილის მიერ დისტანციური დაკითხვაზე უარის თქმას ეხმიანება. როგორც საკითხის კომენტირებისას სუბარმა მთავრობის სხდომის დაწყებამდე განაცხადა სააკაშვილმა კიდევ ერთხელ დაადასტურა, რომ პატივს არ სცემს ქართულ კანონმდებლობას, სახელმწიფო ინსტიტუტებს.
,,სააკაშვილს ეს ქვეყანა თავის საძოვრად მიაჩნდა, სადაც უნდა ყოფილიყო, როგორც ფაშა და დღესაც, განდევნილი ფაშის სტატუსით, ასე უყურებს მას. მას მაინც მოუწევს ამ კითხვებზე პასუხის გაცემა ადრე თუ გვიან, ნებისმიერი ფორმით და კითხვები ათი საქმის გარდა, უამრავზე გაჩნდება კიდევ", - განაცხადა სუბარმა.
