საუდის არაბეთის პორტო ქალაქ ჯედდაში მსოფლიოში ყველაზე მაღალ ცათამბჯენს ააშენებენ, რომლის სიმაღლეც 1 კილომეტრზე მეტი იქნება.
რეალურად კოშკის სიმაღლე 1007 მეტრი იქნება, რაც 173 მეტრით მეტია ამჟამად მსოფლიოს უმაღლეს ცათამბჯენზე, დუბაიში მდებარე ცათამბჯენ Burj Khalifa-ზე. წინასწარი ინფორმაციით, პროექტის ბიუჯეტი 1,2 მლრდ დოლარია.
ცათამბრჯენის საძირკვლის ჩაყრა აპრილში დაიწყება და მისი მშენებლობა 2017 წლისთვის დასრულდება.
ცათამბრჯენში განთავსებული იქნება საცხოვრებელი ბინები, ოფისები, სასტუმროები. მთლიანობაში შენობა 157 სართულიანი იქნება, რომელსაც 56 ლიფტი მოემსახურება.
რაც შეეხება თავად პროექტს, მას ცნობილი არაბი მილიარდელი, პრინცი ალ-ვალიდ ბინ ტალილი ახორციელებს.
