დღეს, 27 მარტს, 09.30 საათზე, საგამოფენო ცენტრ „ექსპო ჯორჯიას" მე-3 პავილიონში გაიხსნება საერთაშორისო კონფერენცია სახელწოდებით „ეკონომიკური ინტეგრაცია ევროკავშირთან - პერსპექტივები და შესაძლებლობები." ღონისძიებას გახსნის საქართველოს პრემიერ-მინისტრი ირაკლი ღარიბაშვილი.
კონფერენციის მუშაობაში მონაწილეობენ: ვიცე-პრემიერი, საქართველოს ეკონომიკისა და მდგრადი განვითარების მინისტრი გიორგი კვირიკაშვილი; ვიცე-პრემიერი, საქართველოს ენერგეტიკის მინისტრი კახი კალაძე; საქართველოს საგარეო საქმეთა მინისტრი მაია ფანჯიკიძე; საქართველოს სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში ალექსი პეტრიაშვილი; საქართველოს სოფლის მეურნეობის მინისტრი შალვა ფიფია; ბულგარეთის რესპუბლიკის ვიცე-პრემიერი ეკონომიკური განვითარების საკითხებში დანიელა ვობევა; ლიტვის რესპუბლიკის ეკონომიკის მინისტრი ევალდას გუსტასი; ასევე საქართველოსა და ევროპის ქვეყნების სხვადასხვა სახელმწიფო უწყებების, საელჩოების, საერთაშორისო ორგანიზაციებისა და კომპანიების წარმომადგენლები.
საერთაშორისო კონფერენცია „ეკონომიკური ინტეგრაცია ევროკავშირთან - პერსპექტივები და შესაძლებლობები" საქართველოს ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატისა და ეკონომიკისა და მდგრადი განვითარების სამინისტროს ერთობლივი ორგანიზებით ტარდება.
