ფოლადის მწარმოებელი შვედური კომპანია SSAB-ი აჭარაში ინვესტიციის განხორციელებითა და ახალი პარტნიორების მოძიებითაა დაინტერესებული. როგორც აჭარის სავაჭრო-სამრეწველო პალატაში განმარტავენ, პალატაში უკვე გამართა შეხვედრები SSAB-ის დირექტორმა სერგეი ევსტაფიევმა თანმხლებ პირებთან ერთად. როგორც აჭარის სავაჭრო-სამრეწველო პალატაში აცხადებენ, მათ აჭარის რეგიონში ინვესტიციის განხორციელებისა და ახალი პარტნიორების მოძიების სურვილი გამოთქვეს.
SSAB-ი წარმოადგენს მაღალი გამძლეობის ფოლადის მწარმოებელ ლიდერ კომპანიას ევროპასა და ამერიკაში. მის მიერ წარმოებული პროდუქცია იყიდება მსოფლიოს მასშტაბით. SAAB-ის პროდუქცია ცნობილია ისეთი საბაზრო ბრენდების სახით, როგორებიცაა Domex, Docol, Prelaq, Hardox, Weldox, Armox, და Toolox. კომპანიაში დასაქმებულია 8700 ადამიანი და მის მიერ გაყიდული პროდუქციის საერთო მოცულობამ 2013 წლისათვის 35 მილიარდ დოლარს შეადგინა.
