საქართველოს თანაინვესტირების ფონდი საქართველოში ორ ახალ ენერგეტიკულ ობიექტს ააშენებს. როგორც დღეს თანაინვესტირების ფონდის საინვესტიციო პროექტების პრეზენტაციაზე გახდა ცნობილი, მდინარე ცხენისწყალზე დაგეგმილია "მტკვარი ჰესისა" და ჰესების კასკადის მშენებლობა. როგორც ირკვევა, პროექტი "მტკვარი ჰესი" სამხრეთ საქართველოში, ახალციხის რაიონში, მდინარე მტკვარზე განხორციელდება. მისი დადგმული სიმძლავრე 53,3 მგვტ-ი იქნება, ხოლო ელექტროენერგიის წლიური გამომუშავება - 255,2 გეგავატი/სთ-ს გაუტოლდება.
პროექტის განხორციელებით ენერგეტიკის სფეროში 100 მლნ დოლარის ინვესტიცია ჩაიდება. როგორც ირკვევა, ამ დროისათის უკვე დასრულებულია პროექტის სრული ტექნიკურ-ეკონომნიკური შესწავლის პროცესი და მიმდინარეობს შესაბამისი ხელშეკრულებების გაფორმება.
რაც შეეხება მეორე ენერგეტიკულ პროექტს, „ჰესების კასკადი მდინარე ცხენისწყალზე", ის ჩრდილო-დასავლეთ საქართველოში, ლენტეხისა და ცაგერის რაიონში, მდინარე ცხენისწყალზე განხორციელდება. ჰესების ჯამური დადგმული სიმძლავრე 347 მგვტ-ი იქნება, წლიური გამომუშავება 1,755 გეგავატ/სთ-ს გაუტოლდება. პროექტის განხორციელებით ენერგეტიკის სფეროში 679 მლნ ამერიკული დოლარის ინვესტიცია ჩაიდება.