როგორც აჭარის ფინანსთა და ეკონომიკის სამინისტროში განმარტავენ, ამ დროისთვის შპს "Goderdzi Resorts"-ი მოსახლეობისგან კურორტის განაშენიანების I ეტაპისთვის აუცილებელი 31841 კვ.მ. ფართობის გამოსყიდვას ახორციელებს. კვადრატული მეტრი მიწის ნაკვეთის ღირებულება ლევან სამხარაულის სახელობის ექსპერტიზის ეროვნული ბიუროს მიერ დადგენილი საბაზრო ღირებულებით განისაზღვრა და ის 7,18 ლარს შეადგენს. დღეს საჯარო რეესტრის ხულოს სარეგისტრაციო სამსახურში, მიწის გამოსყიდვის შესახებ ხელშეკრულება 10 მესაკუთრესთან გაფორმდა.

აღნიშნული ღონისძიების ფარგლებში ხულოს მუნიცპალიტეტის მკვიდრი 14 ოჯახი (კომლი) მიწის ღირებულების სახით 228618 ლარს მიიღებს.

სამინისტროს ინფორმაციითვე, ე.წ. ზანკების უბანში არსებულ მიწის ნაკვეთებზე, ხულოს მუნიციპალიტეტის სხვადასხვა სოფლის მცხოვრებლები, წლების განმავლობაში საკუთრების პრეტენზიას გამოთქვამდნენ. შპს "Goderdzi Resorts"-ისა და ადგილობრივი თვითმმართველობის ორგანოების მიერ ერთობლივად შესწავლილი იქნა კურორტის განაშენიანების ზონაში არსებულ მიწის ნაკვეთებზე მოქალაქეთა მიერ საკუთრების უფლებაზე გამოთქმული პრეტენზიების საფუძვლიანობა, დადგინდა პრეტენზიის მქონე პირთა ზუსტი რაოდენობა და საპრეტენზიო მიწის ნაკვეთების ფართობები. არსებული დოკუმენტაციის შესწავლის შემდეგ, მოსახლეობას მიწები დაუკანონდა