საქართველოს უმსხვილესი სავაჭრო პარტნიორის, თურქეთის, ეკონომიკური ზრდა უკანასკნელ პერიოდში ეჭვქვეშ დადგა, რაც არსებულმა პოლიტიკურმა კრიზისმა განაპირობა. როგორც სებ-ის ყოველკვარტალურ „ინფლაციის მიმოხილვაშია" აღნიშნული, ამას თან ერთვის მიმდინარე ანგარიშის ღრმა დეფიციტი, რაც ინვესტორთა დამატებითი შეშფოთების საფუძველს იძლევა.
„სსფ-ის 2013 წლის ოქტომბრის პროგნოზით, თურქეთის ეკონომიკური ზრდა 2014 წლისთვის 3.5% იყო ნავარაუდევი, თუმცა, აშკარაა, რომ აღნიშნული პროგნოზი გადაიხედება კლების მიმართულებით. გაცილებით მძიმე პოლიტიკურ კრიზისს განიცდის უკრაინა, საქართველოს კიდევ ერთი მნიშვნელოვანი სავაჭრო პარტნიორი"- ნათქვამია სებ-ის ყოველკვარტალურ „ინფლაციის მიმოხილვაში".
