საქართველოს ფინანსთა სამინისტროს საგამოძიებო სამსახურის საგამოძიებო დეპარტამენტის თანამშრომლებმა, გატარებული ოპერატიულ - სამძებრო და საგამოძიებო ღონისძიებების შედეგად, ყალბი საგადასახადო დოკუმენტის დამზადებისა და გასაღების ფაქტზე, მოქალაქეები - კახაბერ გასვიანი, აკაკი ენუქიძე და ალექსანდრე შეყილაძე დააკავეს.
გამოძიებით დადგინდა, რომ კახაბერ გასვიანმა, აკაკი ენუქიძემ და ალექსანდრე შეყილაძემ, დაამზადეს და გაასაღეს ყალბი საგადასახადო ანგარიშ - ფაქტურა თანდართული სასაქონლო ზედნადებებით, რომლის თანახმად, თითქოს მათ მოქალაქეს 180 000 ლარის ღირებულების ფქვილი და შაქარი მიაწოდეს, ამის სანაცვლოდ 52 000 ლარი აიღეს.
გამოძიება მიმდინარეობს საქართველოს სისხლის სამართლის კოდექსის 210 - ე მუხლის მეორე ნაწილის „ა" ქვეპუნქტით, რაც ითვალისწინებს თავისუფლების აღკვეთას 4 დან 7 წლამდე ვადით.
