ექსპერტ მამუკა არეშიძის შეფასებით "ნაციონალურ მოძრაობაში" "გასვრილებსა და ნაკლებად გასვრილებს შორის" დაპირისპირება მიმდინარეობს. როგორც არეშიძემ "პრაიმტაიმის" პრესკლუბში, დღევანდელ პრესკონფერენციაზე ჟურნალისტებს პარტიიდან გიორგი ვაშაძის შესაძლო წასვლასთან დაკავშირებით განუცხადა, ამაში გასაკვირი არაფერი იქნება.
"საზოგადოებამ იცის რომ „ნაციონალურ მოძრაობაში" არის დაპირისპირება ძველებსა და ახლებს შორის. უფრო გასვრილებსა და ნაკლებად გასვრილებს შორის. გასვრილებსა და არ გასვრილებს შორის, ახალგაზრდებსა და ვეტერანებს შორის. საბოლოო ჯამში გიორგი ვაშაძე საინტერესო ფიგურა იყო იმათში, ვისაც შეიძლება ახალგაზრდები დავარქვათ და შედარებით ნაკლებად დასვრილები. მე ვთვლი რომ ასეთი ფიგურის დაკარგვა სერიოზული დანაკარგი იქნება "ნაციონალური მოძრაობისთვის". საერთოდ იქ როგორც ჩანს იმ „ნაციონალურ მოძრაობაში" ოპოზიციის მანტიის მორგების რეიფორიამ გაიარა და ისინი აღმოჩდნენ იმ რეალობის წინაშე რომელიც ხალხთან ურთიერთობის დროს იკვეთება. ის რომ პროკურატურა და ძალოვანი უწყებების ხანდახან, არ და ვერ ამტკიცებენ მათ დანაშაულს, ეს იმას არ ნიშნავს რომ ხალხის თვალში რამე შეიცვალა. "ნაციონალებში" მყოფ ახალგაზრდებსაც ეს უნდათ, რომ ჩამოაშორონ ის ხალხი, რომელიც მათ ხელს უშლის ბრძოლაში. ამიტომაც არ გამიკვირდება ვაშაძის მსგავსმა პიროვნებებმა დატოვონ "ნაციონალური მოძრაობა" და სხვა ბრძოლა გაცხოველდეს პარტიაში", - აცხადებს არეშიძე.
