დღეს, 12 მარტს ისრაელ - საქართველოს მეორე ბიზნეს ფორუმი „GEORGIA GATWAY" გაიხსნება.
წელს ბიზნესფორუმის ძირითადი მიმართულება კომუნიკაციები და კომუნიკაციების სფეროში ინოვაციებისა და თანამედროვე ტექნოლოგიების დანერგვას შეეხება.
ფორუმში მონაწილეობას მიიღებენ კომუნიკაციების სფეროში მომუშავე ისეთი ცნობილი ისრაელური კომპანიები, როგორებიც არიან: Ness Technologies Ltd; Mobile Tornado Group; Plasan SasA Ltd; Audio Codes Ltd; Pine App Ltd; Top Image Systems Ltd; A.R.I. Flow Control ACCESSORIES Ltd; Top Impants Ltd; Solcon Industries Ltd.
ფორუმის ფარგლებში დაგეგმილია საქართველოს პრემიერ-მინისტრისა და ეკონომიკის მინისტრის სიტყვით გამოსვლა. ასევე მოხსენება ისრაელის მიერ თანამედროვე კომუნიკაციების სფეროში მიღწეული წარმატებებისა და ინოვაციების შესახებ. გაიმართება მრგვალი მაგიდა, სადაც ისრაელურ კომპანიებს საშუალება ექნებათ ეკონმიკის სამინისტროს ხელმძღვანელებისგან კითხვა-პასუხის ფორმატში მიიღონ ინფორმაცია საქართველოში არსებული ბიზნესისა და საინვესტიციო გარემოზე, ხოლო ქართულ კომპანიებს საშუალება ექნებათ დეტალური ინფორმაცია მიიღონ ისრაელის ტელესაკომუნიკაციო ინდუსტრიის შესახებ.
ფორუმის ფარგლებში დაგეგმილია ბიზნეს-ჯგუფების წარმომადგენელთა პირისპირ შეხვედრები.
ფორუმი საქართველოს პრემიერ-მინისტრის ირაკლი ღარიბაშვილის, საქართველოს მთავრობის, საპარტნიორო ფონდის და საქართველოში ისრაელის საელჩოს მხარდაჭერით იმართება.
ფორუმი ორდღიანია და ის 12-13 მარტს გაიმართება.