იუსტიციის მინისტრის თეა წულუკიანის განმარტებით, ის თანამდებობიდან გადადგომას არ აპირებს და აღნიშნულ გადაწყვეტილებს როცა მიიღებს მედიას თავად შეატყობინებს.
,,მე თანამდებობიდან გადადგომას არ ვაპირებ ყოველ შემთხვევაში, ვფიქრობ, რომ ჩემი როლი ერთ-ერთი მოკრძალებულია იმ მთავრობის საქმიანობის ფარგლებში, რომელსაც ბევრი სერიოზული საქმე აქვს წამოწყებული, რასაც ჰქვია საქართველოს ევროპულ ოჯახში დამსახურებული ადგილის დამკვიდრების საქმე, ამ საქმეში მე ვარ ჭანჭიკი თუ რგოლი, ამიტომ არ ვაპირებ გადადგომას", - განაცხადა წულუკიანმა.
შეგახსენებთ, რომ ,,ალიას" ინფორმაციით, უახლოეს დღეებში თეა წულუკიანს თანამდებობიდან გადააყენებენ. ამის მიზეზი კი თავდაცვის ყოფილ მინისტრ დავით კეზერაშვილის საქმეზე ცუდი მუშაობა გახდა.
