რუსეთის შესაძლო შეჭრა უკრაინის ტერიტორიაზე აშშ-ს სრულმასშტაბიან სამხედრო ჩარევას გამოიწვევს, რომლის შეიარაღებული ძალები უკვე ახლა ახდენენ კონცენტრირებას შავი ზღვის რეგიონში. განცხადება ამის შესახებ პოლიტოლოგმა ალექსეი გარანმა გააკეთა.
„უკრაინა სამწუხაროდ ნატოს წევრი არ არის. წევრობა კი ავრომატურად მისთის სამხედრო გარანტიის მიმცემი იქნებოდა, თუმცა ამ შემთხვევაშიც კი, მიუხედავად იმისა, რომ ჩვენ სამხედრო ალიანსში არ შევდივართ, აშშ რუსეთთან სამხედრო კონფლიქტში შევა, თუ აქამდე მივა შექმნილი სიტუაცია",_ აცხადებს ექსპერტი და აღნიშნავს, რომ მანამდე აშშ რეგიონში თავის სამხედრო ყოფნას ზრდის და უგზავნის რუსეთს სიმბოლურ გზავნილებს იმის შესახებ, რომ შესაძლოა პასუხად სამხედრო ძალა იქნეს გამოყენებული.
„ამ სამხედრო დემონსტრაციამ და უმთავრესად კი ეკონომიკურმა სანქციებმა რუსეთის მიმართ პუტინი უნდა შეაჩეროს", _ აცხადებს ექსპერტი და აღნიშნავს, რომ შექმნილ სიტუაციაში გადამწყვეტ მომენტად შესაძლოა უკრაინის ტერიტორიის სიღღმეში რუსული ჯარის გადაადგილება გახდეს.
„წავა ამაზე პუტინი აშშ-ს სამხედრო შესაძლებლობების გათვალისწინებით რომლის დემონსტრირება დღეს ხდება? დიქტატორის ლოგიკა ძნელად პროგნოზირებადია. მას შეუძლია მიუხედავად ყველაფრისა უკრაინის ტერიტორიია სიღრმისკენ გაიწიოს. მას ხომ აქვს უფრალო ლოგიკა - მინდა და მორჩა! - ასე აზროვნებენ დიქტატორები და ტყუილად კი არ გაუკეთებია მერკელს თავისი ერთ ერთი ბოლო განცხადება იმის შესახებ, რომ პუტინმა ადეკვატურობის შეგრძნება დაკარგა",_ აცხადებს ექსპერტი და აღნიშმნავს, რომ ობამა უკვე გააკეთა მინიშნება იმის შესახებ, რომ აშშ ძალის გამოსაყენებლად მზადაა.