არასამთავრობო ორგანიზაცია „ადამიანი, კანონი, თავისუფლება" თბილისის მერიისა და საკრებულოს შორის მიღწეულ შეთანხმებასა და დედაქალაქის ბიუჯეტის დამტკიცებას მიესალმება.
თბილისი ბიუჯეტის დამტკიცების პროცესის გაჭიანურებამ მთელი რიგი პრობლემები გამოიწვია, რომლებიც ახალი ბიუჯეტის დამტკიცების შემდეგ, დაუყოვნებლივ უნდა აღმოიფხვრას. კერძოდ, ქალაქში სავალალო მდგომარეობაშია გზის საფარი, მათ შორის ცენტრალურ ქუჩებზე. ასევე, მოუწესრიგებელია და საშინელი ანტისანიტარიაა მიწისქვეშა გადასასვლელებში. სახეფმავლო გადასასვლელ ხიდებს უმეტეს შემთხვევაში არ გააჩნია განათება. გადასასვლელების მოუწესრუგებლობა საფრთხეს უქმნის მოქალაქეთა სიცოცხლეს. მართალია კანონი ითვალისწინებს ადმინისტრაციულ ჯარიმას გზის გადაკვეთაზე, თუმცა ამ პირობებში მართსაწინააღმდეგო ქმედებას სისტემატური ხასიათი აქვს.
მიგვაჩნია, რომ დედაქალაქის ბიუჯეტი მოქალაქეთა ინტერესებზე მაქსიმალურად უნდა იყოს მორგებული.
არასამთავრობო ორგანიზაცია „ადამიანი, კანინო, თავისუფლება" მერიას და საკრებულოს, არასამთავრობო ორგანიზაციების წარმომადგენლებით დაკომპლექტებული მონიტორინგის ჯგუფის შექმნის თხოვნით მიმართავს. მით უმეტეს, რომ ამ თემაზე საუბარი როგორც მერიის, ასევე საკრებულოს წარმომადგენლების მხრიდან არაერთხელ ყოფილა. არასამთავრობოების ჩართულობაზე საუბრობდა მერის მოვალეობის შემსრულებელი, ქალბატონი სევდია უგრეხელიძე. ასევე, ბატონი ზაზა გაბუნია იყო პირველი, რომელიც არასამთავრობოების მიერ მუნიციპალური ავტობუსების ტენდერის მონიტორინგის განხორციელების იდეით გამოვიდა.
ყოველივე ზემოაღნიშნულიდან გამომდინარე, მიზანშეწონილად მიგვაჩნია, უმოკლეს დროში დაკომპლექტდეს მონიტორინგის ჯგუფი, რომელიც ბიუჯეტის მიზნობრივად გახარჯვას შეუწყობს ხელს.