საქართველოს ეკონომიკისა და მდგრადი განვითარების სამინისტრომ გაიმარჯვა კონკურსში და მიიღო ჯილდო „გენდერული ბალანსისათვის აღმასრულებელ დონეზე". კონკურსში მონაწილეობდა ოცდაათზე მეტი საჯარო სტრუქტურა, ბიზნეს-კომპანია და ადგილობრივი თვითმმართველობის ორგანო.
კონკურსის ორგანიზატორი იყო გაეროს განვითარების პროგრამა (UNDP) საქართველოში შვედეთის საერთაშორისო განვითარებისა და თანამშრომლობის სააგენტოს (Sida) ხელშეწყობით.
კონკურსის პირობების თანახმად, ამ პრიზით ჯილდოვდება ორგანიზაცია, რომელმაც უკვე განავითარა სტრატეგია ან განახორციელა ღონისძიებები განსხვავებული სქესის წარმომადგენლობისა და მონაწილეობის გაზრდისათვის გადაწყვეტილების მიღებისა და მართვის უმაღლეს დონეზე.
კონკურსის პირობებით, გაეროს განვითარების პროგრამის მიერ შემოწმდა სამინისტროს განსხვავებული სქესის წარმომადგენლობა აღმასრულებელ, მართვის უმაღლეს დონეზე, თანაბარი პირობები დასაქმებული ქალებისა და მამაკაცებისათვის და დაწესებულების გენდერული პოლიტიკა და სტრატეგია.
