ადვოკატი გოგა ონიანი ,,ნაცმოძრაობის" სახელით ვაზისუბნის მაჟორიტარ დეპუტატობისთვის იბრძოლებს. ამის შესახებ, ინფორმაციას ონიანი სოციალურ ქსელში აქვეყნებს.
,,საბოლოოდ გადავწყვიტე, 2014წლის ივნისში მე მივიღებ მონაწილეობას თვითმართველობის არჩევნებში, ვაზისუბნის მაჟორიტარ დეპუტატობის კანდიდატად, ,,ნაციონალური მოძრობის" მხრიდან. მანამდე, რა თქმა უნდა, მივიღებ მონაწილეობას პრაიმერიზში და დიდი იმედი მაქვს მივიღებ იმ რაოდენობის მხარდაჭერას რაც საჭირო იქნება გასამარჯვებლად. თუ ვინმეს ეგონა უმრავლესობაში, რომ ჩემი დაკავება შეცვლიდა აღნიშნულ გადაწყვეტილებას, მწარედ შეცდნენ. ბრძოლა ბოლომდე!!! ", _აცხადებს ონიანი.
შევახსენებთ, რომ გოგა ონიანის პროკურატურამ ორი ბრალი წარუდგინა. პირველ შემთხვევაში მან პოლიტიკური გაერთიანება „ქართული ოცნების" ლოგოიანი მაისურების დამზადებისთვის, ზემოხსენებულ ფაქტამდე 2 დღით ადრე შპს „დაო-პრინტის" მენეჯერი დავით შათირიშვილი იდენტური სცენარით უკანონოდ დააკავა. აღნიშნულ საქმეზე თბილისის საქალაქო სასამართლოს განჩინების საფუძველზე დაკავებულ იქნა გიორგი ონიანი, რომელსაც 2014 წლის 26 თებერვალს თბილისის საქალაქო სასამართლოს მიერ, აღკვეთის ღონისძიების სახით საპატიმრო გირაო 20 000 ლარის ოდენობით შეეფარდა. მთავარი პროკურატურის მიერ თბილისის საქალაქო სასამართლოს გადაწყვეტილება გასაჩივრებულია სააპელაციო სასამართლოში, სადაც პროკურატურა კვლავ მოითხოვს მის მიმართ აღკვეთის ღონისძიების სახით პატიმრობის გამოყენებას. რაც შეეხება მეორე ბრალს პროკურატურა ონიანს სამსახურებრივი უფლებამოსილების გადამეტების, სამსახურებრივი სიყალბისა და განსაკუთრებით მძიმე დანაშაულის შესახებ მტკიცებულებების ფალსიფიკაციის, ასევე პოლიტიკური დევნისა და განზრახ უკანონო დაკავებას ედავება.