„ვისოლი" და „რუსთავის საერთაშორისო ავტოდრომი" „ქალთა საერთაშორისო დღეს" ცნობილი ქალბატონების ავტოშეჯიბრს მასპინძლობს და ფიგურულ სლალომში სამოყვარულო ტურნირს მართავს. ამას გარდა, 8 მარტის აღსანიშნავად „ვისოლის" ქსელში მისულ ქალბატონებს სიმბოლურ საჩუქრებთან ერთად ყვავილებს გადასცემენ. „ვიანორის" მთელს ქსელში კი ქალბატონებს სრულიად უფასოდ მოემსახურებიან და საავტომობილო ზეთებსა და სხვა პროდუქტებზე 30%-მდე ფასდაკლებას შესთავაზებენ.
„„ვისოლ ჯგუფის" სახელით გვინდა ყველა ქალბატონს მივულოცოთ „ქალთა საერთაშორისო დღე" და დღესასწაულად ვუქციოთ მათ ურთიერთობა ავტოგასამართი სადგურების ქსელ „ვისოლთან", ავტომომსახურების ქსელ „ვიანორთან" და სხვა შვილობილ კომპანიებთან, რადგან დღეს მათთვის უამრავი საჩუქარი და სპეციალური შეთავაზება გვაქვს. ავტოშეჯიბრით კი გვსურს საზოგადოებას პროფესიონალი ქალი მძღლების ტურნირი ვაჩვენოთ", - აცხადებს „ვისოლ ჯგუფის" საზოგადოებასთან ურთიერთობის მენეჯერი რუსუდან კბილაშვილი.
ტურნირის ყველა მონაწილეს „ვისოლ ჯგუფისა" და „რუსთავის საერთაშორისო ავტოდრომისგან" სიმბოლური პრიზები გადაეცათ ესთეტიკურ მედცენტრ „შაინის" სასაჩუქრე ვაუჩერებთან ერთად. გამარჯვებულებს კი სხვა საჩუქრებთან ერთად „ეკო სუპერის", „ეკო პრემიუმისა" და „ეკო დიზელის" უმაღლესი ხარისხის საწვავი ერგოთ.
„ჩქაროსნული სლალომის ერთი-ერთი ნაწილი ითვალისწინებდა ყვავილის ფორმის ფიგურის გავლას, თან ისე რომ მონაწილეს პომადის წასმა მოეხერხებინა. მართალია, საჭესთან მაკიაჟის კეთება კანონით არ ისჯება, მაგრამ გვინდოდა ქალბატონებს ცოდნოდათ თუ რამდენად უშლის ეს ქმედება ხელს მძღოლს თუ მოულოდნელად ექსტრემალურ სიტუაციაში აღმოჩნდებიან. გარდა ამისა, შეჯიბრით გვსურდა მამაკაცებისთვის კიდევ ერთხელ გვეთქვა, რომ ქალები ძალიან კარგი მძღოლები არიან და როგორც ყველაფერში, არც სპორტის ამ სახეობაში გვიდებენ ტოლს", - აცხადებს „რუსთავის საერთაშორისო ავტოდრომის" დირექტორი მევლუდ მელაძე
