ცნობილმა ამერიკელმა მილიარდერმა დონალდ ტრამპმა პრეზიდენტი ბარაკ ობამა გააკრიტიკა და განაცხადა, რომ აშშ-მ საზღვარგარეთ ავტორიტეტი დაკარგა, ხოლო თავად ბარაკ ობამა შიდა პოლიტიკაში „იძირეbა" წერს The Hill.
„ჩვენი ხელმძღვანელობა იმდენად სუსტი და საცოდავია... მათ არ გააჩნიათ ჩვენი ლიდერის პატივისცემა და უფრო სწორედ რომ ვთქვა, მათ არ გააჩნიათ ჩვენი ქვეყნის პატივისცემა"- განაცხადა დონალდ ტრამპმა კონსერვატიული პარტია CPAC-ის ყოველწლიურ კონფერენციაზე და მხედველობაში ქონდა ჩინეთი და სხვა მსოფლიოს წამყვანი სახელმწიფოები.
ბიზნეს მაგნატმა ისაუბრა ასევე მის მიერ მოსკოვში განხორციელებულ ვიზიტზე, სადაც სილამაზის კონკურსი „მის მსოფლიო" ჩატარდა. როგორც ცნობილია ამ კონკურსის ჩატარების უფლება კი მხოლოდ დონალდ ტრამპს აქვს.
„ის მე მშვენივრად მექცეოდა. პუტინმა მე საჩუქარიც კი მაჩუქა, მშვენიერი საჩუქარი შესანიშნავი წარწერით. მე ამ ხალხთან ყველაფერზე ვისაუბრე. და თქვენ ხედავთ რას უკეთებს ის ობამას? ის ეთამაშება მათ"- განაცხადა დონალდ ტრამპმა.
