2014 წელს ეკონომიკის 5 %-იანი ზრდის მიღწევას სავსებით რეალისტურს უწოდებს საქართველოს ეროვნული ბანკის პრეზიდენტი გიორგი ქადაგიძე. როგორც ქადაგიძემ დღეს ჟურნალისტებთან საუბრისას აღნიშნა, არის რისკებიც თუმც ის გარეფაქტორებს უკავშირდება.
„ჩვენ ვფიქრობთ, რომ 5 %-იანი ზრდის მიღწევა სავსებით რეალისტურია. რა თქმა უნდა არის რისკებიც, რომლებიც ძირითადად გეოპოლიტიკურ მდგომარეობას უკავშირდება. მოგეხსენებათ, მიმდინარე მოვლენები, რომელიც ვითარდება ჩვენს თითქმის ყველა მეზობელ ქვეყანაში და განსაკუთრებით უკრაინაში, ამან რაღაცა ტიპის გავლენა შესაძლოა იქონიოს ქართულ ეკონომიკაზე. თუ გამოვრიცხავთ საგარეო ფაქტორებს, რომელზეც ჩვენ გავლენა არ გვაქვს, მაშინ 5 %-იანი ეკონომიკური ზრდის მიღწევა სავსებით რეალისტურია"- განაცხადა სებ-ის პრეზიდენტმა.
