სტიქიით დაზარალებული მოსახლეობის დასახმარებლად შვეიცარიის განვითარების სააგენტომ 700 000 შვეიცარული ფრანკი გამოყო. ამის შესახებ, ჟურნალისტებთან მთავრობის სხდომის დასრულების შემდეგ საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა დავით დარახველიძემ განაცხადა.
,, მთავრობის დღევანდელ სხდომაზე მოწონებულ იქნა საგრანტო ხელშეკრულება შვეიცარიის განვითარების სააგენტოსთან, რომლის თანახმად, 700 ათასი შვეიცარული ფრანკი დაიხარჯება მაღალმთიანი აჭარის_ხულოს რაიონის სოფელ პანტიანში სტიქიის შედეგად 16 დაზარალებული ოჯახის კახეთსა და ქვემო ქართლში გადასასახლებლად, ასევე მესტიის რაიონში სტიქიის შედეგად დაზარალებული მოსახლეობის გადასახლებისთვის", _განაცახადა დარახველიძემ.
მისივე განმარტებით, მთავრობის დღევანდელი სხდომის გადაწყვეტილებით, ეკონომიკის სამინისტრომ გამოისყიდა თბილისში, ფეიქრების ქუჩაზე მდებარე რამდენიმე შენობა, სადაც შესახლებული არიან დევნილები და 21 ოჯახს აღნიშნული ფართი საკუთრებაში გადაეცემა.
