აშშ-ის მთავრობის დაფინანსებით საქართველოში უცხოელი თავშესაფრის მაძიებელთათვის 80 ადგილზე გათვლილი თავშესაფარი აშენდება. როგორც მთავრობის სხდომის დასრულების შემდეგ ჟურნალისტებთან საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა დავით დარახველიძემ განაცხადა აშშ-ის მთავარობა აღნიშნული პროექტის განსახორციელბლად, დაახლოებით, ორ მილიონ ლარს გამოყოფს.
,, საქართველოს პრემიერ-მინისტრის ირაკლი ღარიბაშვილის აშშ-ში წარმატებული ვიზიტის შედეგად უკვე მივიღეთ კონკრეტული შედეგები. კერძოდ, სულ მალე დაიწყება დაპროექტება-დაფინანსება თავშესაფრის მაძიებელთა ახალი ცენტრის, რომელიც განკუთვნილი იქნება 80 ადგილზე მარტყოფში. ამის თაობაზე აშშ-ის სარდლობით ევროპის წარმომადგენლობასთან მოლაპარაკებები მიდიოდა და დადებითად გადაწყდა. გადაწყვეტილების შესახებ საქართველოში აშშ-ის საელჩომ გვაცნობა", _განაცხადა დარახველიძემ.
მასალის გამოყენების პირობები