ჯანდაცვის მინისტრმა დავით სერგეენკომ მთავრობის სხდომის დაწყებამდე სოფლის საავადმყოფოების მართვის პროგრამაზე ისაუბრა და აღნიშნა, რომ სოფლის ექიმებს ხელფასები აღარ დაუგვიანდებათ.
,, ჯანდაცვის სფეროში პრობლემებიდან ერთ-ერთი გამორჩეული იყო სოფლის ექიმების თემა, როცა გვიანდებოდა დაფინანსება, თვითონ ინფრასტრუქტურაც მოუწესრიგებელი იყო და სისტემა ერთგვარად გაფანტული, დიფუზიური იყო. 1 იანვრიდან ცვლილებები განხორციელდა, როდესაც მართვა მთლიანად კოორდინირებულია სახელმწიფოს მხრიდან. ამიერიდან აღარ იქნება სახელფასო დაგვიანებები. ირიბ ხარჯებს - დოკუმენტაციებს, კომუნალურ გადასახადებს სახელმწიფო იღებს თავის თავზე. პირველი ყველაზე სწრაფი გადაწყვეტილება იყო ის, რომ 81 სენდვიჩური ტიპის ახალი ამბულატორია უნდა აშენებულიყო, ეს პროცესი დაწყებულია და იმედია ასევე წარმატებით გაგრძელდება", - განაცხადა სერგეენკომ.
