საქართველოს ფინანსთა მინისტრის განმარტებით, უკრაინაში შექმნილი კრიზისი სავარაუდოდ მალე გამოსწორდება. როგორც ნოდარ ხადურმა განაცხადა, ბოლო პერიოდში უკრაინის ეკონომიკა საკმაოდ ნელა იზრდებოდა, თუმცა როგორც ხადური განმარტავს, უკრაინის ახალი ხელისუფლება და უკრაინელი ხალხი საერთაშორისო თანამეგობრობის დახმარებით სიტუაციიდან გამოსავალს იპოვის.
„იმედი მაქვს, რომ უკრაინაში ვითარება ძალიან მალე წავა სტაბილიზაციისაკენ. მათ შორის ეკონომიკური. როგორც იცით აშშ აპირებს უკრაინას დახმარება გამოუყოს. ასევე სსფ-სთან მიდის მოლაპარაკებები, იმასთან დაკავშირებით, რომ უკრაინამ ეს კრიზისული პერიოდი მარტივად გადაიტანოს"- განაცხადა ნოდარ ხადურმა.
