დღეს, 2 მარტს, 15:00 საათზე, საზოგადოებისა და არასამთავრობო ორგანიზაციების წარმომადგენლები თბილისში, უკრაინის საელჩოსთან უკრაინელი ხალხის მხარდასაჭერ აქციას გამართავენ.
როგორც ორგანიზატორებმა „ჯი-ეიჩ-ენს" აცნობეს, აქციაში მონაწილეობა ნებისმიერ მოქალაქეს შეუძლია მათი პარტიული კუთვნილებისა თუ პოლიტიკური შეხედულების მიუხედავად.
„ ეს არის უკრაინელი ხალხის მხარდასაჭერი აქცია. ჩვენ გვაქვს ვალდებულება ჩვენი უკრაინელი მოძმე ხალხის წინაშე, რომ ამ მძიმე დღეებში ვიყოთ მათ გვერდით. უკრაინის პრეზიდენტი 2008 წლის 12 აპრილს რუსთაველის გამზირზე იდგა ყველა უკრაინელის სახლით. ჩვენც ყველანი უნდა დავდგეთ მათ გვერდით და ამ შემთხვევაში არავითარი მნიშვნელობა არ აქვს ვის რა პოლიტიკური შეხვედრულება გვაქვს", - აცხადებენ აქციის ორგანიზატორები.
უკრაინელი ხალხის სოლიდარობის აქცია ფეისბუკით დაიგეგმა და ამ დროისთვის მასში მონაწილეობის სურვილი 800-მდე ადამიანმა გამოთქვა.
