"ეროვნული ფორუმის" სახელით გაურკვეველი ადამიანები
თბილისში გამოკითხვებს ატარებენ", _ ამის შესახებ "ეროვნული ფორუმის" წარმომადგენლები აცხადებენ.
მათი ინფორმაციით, "ეროვნული ფორუმისთვის" დღეს ცნობილი გახდა, რომ თბილისის მასშტაბით გაურკვეველი ადამიანები პარტიის სახელით ატარებენ სატელეფონო გამოკითხვას, სადაც მოსახლეობას უსვამენ ერთადერთ კითხვას - ვის აძლევთ ხმას თბილისის მერის პოსტზე ადგილობრივ არჩევნებში.
"ასეთი ზარი განხორციელდა ჩვენი პარტიის არაერთი წევრის სახლის ტელეფონზედაც.
გვინდა განვმარტოთ, რომ "ეროვნული ფორუმი" ამ ეტაპზე არ აწარმოებს არანაირ სოციოლოგიურ კვლევას, შესაბამისად, მოსახლეობასთან ჩვენი სახელით გაკეთებული ზარებიც ყალბია და, სავარაუდოდ, ხალხში არასწორი ინფორმაციისა და ეჭვის დათესვას ისახავს მიზნად - თითქოს "ფორუმმა" ადგილობრივ არჩევნებში მონაწილეობის მიღება გადაწყვიტა.
"ეროვნული ფორუმი" კიდევ ერთხელ აცხადებს, რომ პარტია 2010 წლის მაისში დანიშნულ ადგილობრივ არჩევნებში მონაწილეობას არ გეგმავს და, შესაბამისად, არც თბილისის მერობის მსურველთა რეიტინგების გამოვლენით არის დაინტერესებული და დაკავებული",_ აცხადებენ ისინი.