საგარეო საქმეთა სამინისტრო უარყოფს ხმებს იმის შესახებ, რომ ყოფილი საქართველოს ელჩი ნიდერლანდების სამეფოში მაია ფანჯიკიძე თანამდებობიდან ირაკლი ალასანიასთან ნათესაური კავშირის გამო გაათავისუფლეს. ამის შესახებ საგარეო საქმეთა სამინისტრომ ოფიციალური განცხადება დღეს გააკეთა.
საგარეო საქმეთა სამინისტროს განცხადებით, გათავისუფლების მიზეზი ჰოლანდიაში ორი ქართველის დაკავება გახდა, რომელთაც საქართველოს საელჩომ სათანადო ყურადღება არ მიაქცია.
თავად ფანჯიკიძის განცახდებით კი, არაოფიციალური მიზეზი არის ის, რომ ერთ-ერთი თანამდებობის პირი მეუღლესთან ერთად გაუგებრობაში მოყვა, შეხება ჰქონდა პოლიციასთან და მან მიიჩნია, რომ საქართველოს საელჩომ არ მიაქცია სათანადო ყურადღება.
"რაც შეეხება _ უკავშირდება თუ არა ჩემი გათავსუფლება იმას, რომ ირაკლი ალასანია არის ჩემი სიძე _ დავრწმუნდი იმაში, რომ ეს არის რეალური მიზეზი", - აცხადებს ფანჯიკიძე.
