უკრაინის შს სამინისტრო ევრომაიდანის ლიდერებს მიმართავს და დაკავებული მილიციელები გათავისუფლებას დაუყოვნებლივ მოითხოვს. წინაღმდეგ შემთხვევაში იერიშის დაწყები იმუქრება.
შს სამინისტროს ინფორმაციით, გუშინ საღამოს „მაიდანის დაცვის" მიერ დაკავებული ორი მილიციელი კიევის საქალაქო ადმინისტრაციის შენობაში ჰყავთ.
მოლაპარაკებები მილიციასა და რამდენიმე ოპოზიციონერ დეპუტატს შორის მილიციელების გათავისუფლებაზე მთელი ღამის განმავლობაში მიმდინარეობდა, თუმცა მათ ვერ შეძლეს აქციის მონაწილეთა ხელმძღვანელებზე გავლენის მოხდენა, რომლებიც საქალაქო ადმინისტრაციის შენობაში არიან გამაგრებულნი.
ჯერ ჯერობით არავითარი ინფორმაცია არ არსებობს არც იმის შესახებ თუ რა მდგომარეობაში არიან მილიციელები.
ამასთან ერთად, შს სამინისტრო მოუწოდებს მშვიდობიან მოქალაქეებს დატოვონ საქალაქო ადმინისტრაციის შენობის მიმდებარე ტერიტორია.
შეგახსენებთ, რომ წუხელ უკრაინი შს სამინისტრომ გაავრცელა ინფორმაცია, რომ აქტივისტებმა სამი მილიციონერი დააკავეს. ოპოზიცია ამ ბრალდებას უარყოფს.
